Team meeting

Cymeradwyaeth

Diben cymeradwyo yw sicrhau y gellir cydnabod y ddarpariaeth datblygu arweinyddiaeth fwyaf effeithiol sydd ar gael ar hyn o bryd. Nod cymeradwyo yw sicrhau mynediad cyfartal i ddarpariaeth datblygu arweinyddiaeth o ansawdd uchel ledled Cymru.

Rydym yn annog pob darparwr sy’n datblygu ac yn darparu cyfleoedd datblygu arweinyddiaeth i gyflwyno eu darpariaeth i’w chymeradwyo. Mae’r broses gymeradwyo yn sicrhau bod y ddarpariaeth yn bodloni uchelgais ein Cenhadaeth Genedlaethol ac yn cefnogi ei phedwar amcan galluogi drwy:

  • Gweledigaeth a gwerthoedd yr Academi Genedlaethol ar gyfer Arweinyddiaeth Addysgol
  • Datblygu pob Ysgol fel Sefydliadau Dysgu (YSD) yn unol ag egwyddorion y Sefydliad ar gyfer Cydweithrediad a Datblygiad Economaidd (OECD)
  • Y Dull Cenedlaethol o Ddysgu Proffesiynol
  • Safonau Proffesiynol ar gyfer Addysgu ac Arweinyddiaeth
  • Cwricwlwm i Gymru
Mae ein galwad am gymeradwyaeth ar agor.

Mae’r alwad agored hon ar gyfer datblygu arweinyddiaeth yn ystod unrhyw gam yrfa a gall gynnwys unrhyw agwedd ar ddatblygiad Arweinyddiaeth. Mae gennym ddiddordeb arbennig mewn darpariaeth arweinyddiaeth ar gyfer y canlynol:

  • Anghenion Dysgu Ychwanegol
  • Cwricwlwm i Gymru
  • Cydraddoldeb ac Amrywiaeth
  • Cymraeg mewn Addysg
  • Arweinyddiaeth Dosturiol
  • Addysg a Hyfforddiant Ôl-Orfodol
  • Llywodraethwyr

Lawrlwythiadau:

CANLLAW CYMERADWYO    Ffurflen Cais Cymeradwyo

Cwestiynau Cyffredin

Cwestiynau Cyffredin

Pryd a sut mae gwneud cais?

Mae ein galwad gyfredol am gymeradwyaeth bellach ar agor ar gyfer cyflwyniadau darpariaeth datblygu arweinyddiaeth ar gyfer pob sector addysg ac ar unrhyw adeg gyrfa. Mae canllawiau ymgeisio ar gyfer darparwyr a’r ffurflen gais ar gael i’w lawrlwytho uchod ac maent yn cynnwys manylion llawn am sut i wneud cais.

Gyda phwy ddylwn i gysylltu os oes gennyf gwestiynau am y broses ymgeisio?

Mae cefnogaeth ar gael trwy gysylltu â’r Academi Arweinyddiaeth trwy e-bost post@agaa.cymru.

Beth yw'r broses ar gyfer ceisiadau?

Mae dau gam i’w cymeradwyo – cyflwyno ffurflen gais i’w hadolygu gan banel cam 1, a fydd, os yw’n llwyddiannus, yn arwain at wahoddiad i gyflwyno i banel cam 2. Darperir manylion llawn bob cam yn y llyfryn canllaw.

Pwy sy'n ffurfio'r panel?

Mae paneli cymeradwyo yn cynnwys o leiaf dri aelod o Staff, Gymdeithion a Rhanddeiliaid yr Academi Arweinyddiaeth.

A oes ffi am gymeradwyo?

Ni fydd unrhyw dâl i ddarparwyr ar gyfer gweinyddu cymeradwyo, ond bydd yr Academi Arweinyddiaeth yn adolygu hyn ac yn cadw’r hawl i godi tâl gweinyddol bach ar sefydliadau nad ydynt yn y sector cyhoeddus nac yn elusennol.

Pa mor hir mae'r cymeradwyaeth yn para?

Bydd cymeradwyaeth yn para am 5 mlynedd a bydd angen ei adnewyddu ar ôl hynny. Fodd bynnag, mae’r Academi Arweinyddiaeth yn cadw’r hawl i atal dros dro neu dynnu cymeradwyaeth yn ôl o ganlyniad i’r proses monitro sicrhau ansawdd.

A allaf gael fy nghymeradwyo fel darparwr?

Na, mae cymeradwyaeth ar gyfer rhaglenni / darpariaeth yn unig.

Sut mae'r ddarpariaeth a gymeradwywyd yn cael ei monitro?

Mae’r Academi Arweinyddiaeth yn monitro sicrwydd ansawdd ar yr holl ddarpariaethau a gymeradwywyd er mwyn sicrhau cysondeb safonau o fewn y broses. Gall darparwyr ddisgwyl i’r ddarpariaeth a gymeradwywyd fod yn sicrhau ansawdd yn rheolaidd yn dilyn cylch cyflwyno wedi’i gwblhau a gofynnir iddynt lunio adroddiad ansawdd ac effaith.

Sut mae ansawdd y broses gymeradwyo yn cael ei sicrhau?

Mae’r Academi Arweinyddiaeth wedi ymrwymo i bartneriaeth gydweithredol gydag Addysg yr Alban a’r Ganolfan Arweinyddiaeth Ysgolion yn Iwerddon. Bydd hyn yn cynnwys trefniant cefnogol o adolygiad cymheiriaid cilyddol sy’n canolbwyntio ar nodi cryfderau a meysydd i’w gwella ym mhob un o’r tair gwlad.

A oes proses apelio os na ddyfernir cymeradwyo?

Na. Ni all ddarparwyr apelio yn erbyn penderfyniad y panel, ond gallant ailgyflwyno’r cais ar sail unrhyw argymhellion a wnaed. 

Astudiaethau Achos

Consortia Rhanbarthol

Teitl y ddarpariaeth wedi’i chymeradwyo: Rhaglen Ddatblygu ar gyfer Penaethiaid Dros Dro a Phenaet…

Canolfan Ragoriaeth OLEVI Gogledd Cymru

Mae Canolfan Ragoriaeth OLEVI wedi’i lleoli yn Ysgol y Creuddyn, Bae Penrhyn ger Llandudno. Mae’r ysgol yn gweithio mewn partneriaeth ag Ysgol Glan Clwyd ac Ysgol Dyffryn Conwy ac wedi’i hachredu i ddarparu rhaglenni sydd wedi’u datblygu a’u cynhyrchu gan OLEVI International.

Chrysalis Mindset Coaching

Rhaglen Arweinyddiaeth Uwch 6 diwrnod mewn Hyfforddi a Deallusrwydd Emosiynol a Rhaglen Hyfforddiant Weithredol Uwch 3 diwrnod.