Ein Gweledigaeth
Bydd yr Academi Genedlaethol ar gyfer Arweinyddiaeth Addysgol yn gweithio mewn partneriaeth ag ymarferwyr a llunwyr polisi o bob rhan o system addysg Cymru i greu’r amodau y bydd arweinyddiaeth addysgol yn ffynnu ynddynt.
Bydd yr Academi Genedlaethol ar gyfer Arweinyddiaeth Addysgol yn:
- sefydliad gweladwy ac uchel ei barch
- gyda rôl nodedig, wedi’i mynegi’n glir ac yn cael ei deall yn eang o fewn addysg Gymraeg
- wedi’u hategu gan drefniadau llywodraethu cadarn a swyddogaeth weithredol effeithiol ac ystwyth.
O’r platfform hwn, erbyn 2026, bydd y sefydliad yn gwneud cyfraniad allweddol i system addysg Cymru.
Ein Gwerthoedd
Trwy greu’r amodau sydd eu hangen i ysbrydoli arweinwyr, bydd yr Academi Genedlaethol ar gyfer Arweinyddiaeth Addysgol yn cyfoethogi bywydau ein plant a’n pobl ifanc, gan eu helpu i ddatblygu fel dysgwyr uchelgeisiol a galluog; yn unigolion iach a hyderus; cyfranwyr mentrus, creadigol; ac fel dinasyddion moesegol, gwybodus.
Mae holl staff yr Academi Genedlaethol ar gyfer Arweinyddiaeth Addysgol, aelodau ei Bwrdd, secondeion a Chymdeithion hefyd wedi ymrwymo i weithio mewn ffyrdd sy’n gyson â saith egwyddor bywyd cyhoeddus, sef:
- Anhunanoldeb
- Uniondeb
- Gwrthrychedd
- Atebolrwydd
- Bod yn agored
- Gonestrwydd
- Arweinyddiaeth
