Sian Evans

Ar hyn o bryd rwy’n Ddirprwy Bennaeth Dros Dro yn Ysgol Uwchradd Aberteifi yng Ngheredigion, ar ôl dechrau’r rôl hon ym mis Medi 2024. Cyn hyn roeddwn yn Bennaeth Cynorthwyol yn Ysgol Gyfun Aberaeron o 2020. Mae fy nghyfrifoldebau presennol yn cynnwys arwain ar Ddiogelu, gofal bugeiliol, Cwricwlwm a darpariaeth MAT, ac rwyf hefyd yn uwch fentor TAR a mentor sefydlu NQT. Dechreuais fy ngyrfa fel athro Cemeg, ac rwy’n angerddol am hyrwyddo gyrfaoedd mewn STEM, yn enwedig pynciau Cemeg. Rwyf wedi cael rolau blaenorol fel arweinydd cynnydd CA2-CA3 a Phennaeth Gwyddoniaeth, ac felly mae gennyf ystod amrywiol o brofiadau arwain. 

Y maes yr wyf yn fwyaf angerddol amdano yw sicrhau bod gan bob ymarferydd fynediad teg at gyfleoedd dysgu proffesiynol o ansawdd uchel. Cyn hynny, roeddwn yn aelod o grŵp cyfeirio ymarferwyr NPLE mewn cydweithrediad â Llywodraeth Cymru, ac ar hyn o bryd rwy’n aelod craidd o’r Panel Cymeradwyo Cenedlaethol, dan gadeiryddiaeth yr Athro Ken Jones. Mae gen i ddiddordeb brwd mewn ymchwil addysgol, ac rydw i ar fin dechrau blwyddyn olaf gradd MA Addysg Genedlaethol (Cymru), yn dilyn y Llwybr Arweinyddiaeth. Yn gysylltiedig â hyn rwy’n aelod o Gymdeithas Ymchwil Addysgol Prydain (BERA) a’r Gymdeithas Datblygu Broffesiynol Rhyngwladol (IPDA). Mae fy nodau proffesiynol ar gyfer eleni yn cynnwys gwneud cais i ddechrau’r CPCP fel y cam nesaf yn fy natblygiad proffesiynol fel uwch arweinydd.