Tegwen Ellis i Rannu Mewnwelediadau Arweinyddiaeth Dosturiol yn y Gynhadledd sydd i ddod

Rydym yn falch o gyhoeddi bod Tegwen Ellis, Prif Weithredwr yr Academi Genedlaethol ar gyfer Arweinyddiaeth Addysgol Cymru, wedi’i wahodd i gyflwyno yn y Gynhadledd Arweinyddiaeth Dosturiol ym Mirmingham ar 22 Tachwedd 2024. Mae’r digwyddiad hwn yn un o’r cyntaf o’i fath, a bydd yn archwilio potensial trawsnewidiol arweinyddiaeth dosturiol mewn addysg.

Fel un o’r prif siaradwyr, bydd Tegwen Ellis yn ymuno ag arweinwyr enwog eraill, gan gynnwys yr Athro Alma Harris, Athro Emeritws ym Mhrifysgol Abertawe, a’r Athro Michael West CBE o Brifysgol Caerhirfryn. Gyda’i gilydd, byddant yn rhoi cipolwg ar sut y gall arweinyddiaeth dosturiol fynd i’r afael â rhai o’r heriau mwyaf cymhleth sy’n wynebu sefydliadau modern. Bydd y digwyddiad hefyd yn cynnwys siaradwyr o sectorau eraill gan gynnwys Iechyd a Gofal Cymdeithasol, yr Heddlu a Gwleidyddiaeth, ac yn dangos sut y gallwn ddysgu gan arweinwyr a sectorau eraill.

Bydd Tegwen Ellis, gyda’i phrofiad helaeth o feithrin arweinyddiaeth ym myd addysg Gymraeg, yn rhannu ei phrofiad o arwain gyda thosturi, wedi’i hysbrydoli gan gyhoeddiad Cyfres Mewnwelediad yr Academi Genedlaethol ar gyfer Arweinyddiaeth Addysgol, Mwy na “phlastr”: Deall y gofynion a nodi’r adnoddau i greu uwch arweinwyr cynaliadwy ym myd addysg Cymru gan Dr Ali Davies (Seicolegydd Clinigol Ymgynghorol (Lles Gweithwyr)).

Mae’r Gynhadledd Arweinyddiaeth Dosturiol wedi’i hanelu at arweinwyr ysgol, Prif Weithredwyr MAT, a rhanddeiliaid eraill mewn addysg. Bydd y gynhadledd yn ymchwilio i hanfod arweinyddiaeth dosturiol – gan chwalu mythau ei fod yn “feddal” neu’n ddi-strwythur – ac yn arddangos ei effaith bwerus ar wella diwylliant y gweithle, lles, recriwtio a chadw staff.

Am ragor o wybodaeth ac i gofrestru, ewch i Gynhadledd Arweinyddiaeth Dosturiol.