Yr Academi Arweinyddiaeth yn cyhoeddi seithfed Carfan o Gymdeithion
Mae’n bleser gan yr Academi Genedlaethol ar gyfer Arweinyddiaeth Addysgol groesawu 12 o arweinwyr newydd i rôl Cydymaith yn ein seithfed garfan. Mae’r Cymdeithion i gyd yn uwch arweinwyr addysgol gweithredol ac yn adnodd amhrisiadwy sy’n sicrhau bod llais yr arweinyddiaeth yn cael ei glywed yn holl waith cynllunio, gweithgaredd a myfyrdod yr Academi Genedlaethol ar gyfer Arweinyddiaeth Addysgol.
Dywedodd Tegwen Ellis, Prif Weithredwr yr Academi Genedlaethol ar gyfer Arweinyddiaeth Addysgol: “Mae’n bleser ac yn anrhydedd o’r mwyaf croesawu’r garfan ddiweddaraf o uwch arweinwyr addysgol i ddod yn Gymdeithion yr Academi Genedlaethol ar gyfer Arweinyddiaeth Addysgol.
“Rwy’n edrych ymlaen at gydweithio â’r uwch arweinwyr hyn o ansawdd uchel dros y ddwy flynedd nesaf a gweld sut mae eu hangerdd a’u brwdfrydedd dros bopeth arweinyddiaeth yn helpu i gyfrannu at system hunanwella.” “
Yr 12 Cydymaith newydd yw:
- Jonathan Angell, Ysgol Uwchradd y Dwyrain, Caerdydd
- Lorraine Dalton, Ysgol Bryn Gwalia, Sir y Fflint
- Owain Gethin Davies, Ysgol Dyffryn Conwy, Conwy
- Dr Dale Duddridge, Ysgol Gyfun Maesteg, Pen-y-bont ar Ogwr
- Julia Swallow Edwards, Prifysgol Metropolitan Caerdydd, Caerdydd
- Nick Hudd, Gwasanaeth Ieuenctid Cyngor Sir Benfro, Sir Benfro
- Joanne Smith, Portal Training, Cymru Gyfan
- Mike Tate, Ysgol Uwchradd Gymunedol Gorllewin Caerdydd, Caerdydd
- Emma Turner, Ysgol Gynradd Springwood, Caerdydd
- Helal Uddin, EYST Cymru, Cymru Gyfan
- Elin Wakeham, Ysgol Gynradd Gymraeg Bryn– y– Môr, Abertawe
- Nicola Williams, Ysgol Gynradd Libanus, Caerffili
Mae’r Academi Genedlaethol ar gyfer Arweinyddiaeth Addysgol yn penodi carfan flynyddol o Gymdeithion, pob un ohonynt yn uwch arweinwyr addysgol gweithredol ar hyn o bryd. Mae’r Cymdeithion yn rhoi cyfleoedd i’r Academi Genedlaethol ar gyfer Arweinyddiaeth Addysgol gael mynediad at eu harbenigedd a’u gwybodaeth fel arweinwyr addysgol presennol.
Mae gan yr Academi Genedlaethol ar gyfer Arweinyddiaeth Addysgol bellach garfannau lluosog o Gymdeithion o bob rhan o Gymru sy’n symud ymlaen drwy fodel arweinyddiaeth system aeddfed ac maent yn cael effeithiau mesuradwy ar y system addysg y tu hwnt i’w sefydliadau eu hunain.
I ddysgu mwy am y Rôl y Cydymaith, ewch i’n tudalen Arweinyddiaeth System.