Lleisiau o’r Maes: Bryony Evett Hackfort
Bryony Evett Hackfort, Cyfarwyddwr Dysgu, Addysgu, Technoleg a Sgiliau i Goleg Sir Gâr a Choleg Ceredigion
Bryony Evett Hackfort yw Cyfarwyddwr Dysgu, Addysgu, Technoleg a Sgiliau Coleg Sir Gâr a Choleg Ceredigion yn Ne-orllewin Cymru. Mae Bryony yn hynod falch o’r sector Addysg Bellach (AB) yng Nghymru ac yn teimlo’n angerddol am yr angen i chwyddo ei lais. Dechreuodd Bryony ei thaith AB yn 2006 o fewn yr adran Celfyddydau Perfformio a gwnaeth y symudiad i arweinyddiaeth addysgu a dysgu yn 2018. Ers hynny, mae Bryony wedi gwneud y gorau o bob cyfle i ddysgu am y gymuned AB a sefydlu cysylltiadau, rhwydweithiau a phrosiectau sy’n cael eu gyrru i gefnogi’r sector AB. Mae Bryony yn dyheu am fod yn arweinydd addysg bellach yn y dyfodol a bod yn rhan o helpu i lywio ei gyfeiriad.
Fel arweinydd, mae Bryony eisiau galluogi a chefnogi’r rhai o’i chwmpas i gydnabod eu cryfder, eu gwerth, eu potensial a’u llais eu hunain o fewn eu sefydliad ac yn allanol. Mae Bryony wedi dangos ymrwymiad i’r dull hwn drwy greu a gweithredu’r rhaglen Ymchwil Weithredu a datblygu ‘Diwylliant Chwilfrydedd’ Coleg Sir Gâr a Choleg Ceredigion. Mae Action Research a’r AB ehangach, yn ymwneud â dangos i staff eu bod yn gallu siapio a dylanwadu nid yn unig ar eu sefydliad ond y sector yn ei gyfanrwydd er mwyn rhoi’r profiad a’r cyfle gorau posibl i’n dysgwyr gyrraedd eu potensial. Mae’r rhaglen hon wedi sicrhau cydnabyddiaeth genedlaethol drwy Wobr Hyfforddiant y Dywysoges Frenhinol 2022 ac mae eisoes wedi cael effaith sylweddol ar yr hyder a’r gwerth y mae llawer o’n staff academaidd bellach yn dechrau ei roi ar eu gwaith a’u galluoedd eu hunain.