Fframwaith Ymgysylltu â Rhanddeiliaid

Mae’r Academi Genedlaethol ar gyfer Arweinyddiaeth Addysgol wedi ymrwymo i ymhelaethu ar lais arweinyddiaeth o fewn y sector addysg er mwyn gweithredu newid cadarnhaol ar lefel polisi.

Mae’r Academi Genedlaethol ar gyfer Arweinyddiaeth Addysgol wedi gweithio’n agos gyda rhanddeiliaid allweddol o bob rhan o’r system addysg ers ei hymgorffori, yn bennaf drwy ei grŵp cyfeirio rhanddeiliaid a grëwyd yn 2018. Mae’r Academi Arweinyddiaeth yn cydnabod pwysigrwydd ymgysylltu’n effeithiol â rhanddeiliaid er mwyn cyflawni ei dyheadau , a’i nod yw cynnwys ein rhanddeiliaid ym mhob agwedd ar ein gwaith i ysgogi meddwl newydd a derbyn cefnogaeth a her gan y system addysg yn ei chyfanrwydd.

Trwy Ymgysylltu effeithiol â Rhanddeiliaid, nod yr Academi Genedlaethol ar gyfer Arweinyddiaeth Addysgol yw:

• Datblygu dealltwriaeth o waith yr Academi Genedlaethol ar gyfer Arweinyddiaeth Addysgol a sut y byddwn yn gweithio mewn partneriaeth â rhanddeiliaid i greu amodau lle bydd arweinyddiaeth addysgol yn ffynnu.
• Cychwyn a meithrin perthnasoedd â’r rhanddeiliaid hynny sydd â diddordeb a dylanwad nad ydynt eto’n ymwneud yn ffurfiol â gwaith yr Academi Genedlaethol ar gyfer Arweinyddiaeth Addysgol
• Cynnal a datblygu ymhellach y berthynas â rhanddeiliaid sydd eisoes yn ymwneud â gwaith yr Academi Genedlaethol ar gyfer Arweinyddiaeth Addysgol a nodi cynlluniau i ymgysylltu â’r rhannau hynny o’r sector addysgol yng Nghymru sy’n cael eu tangynrychioli ar hyn o bryd.
• Rhoi adborth i randdeiliaid yn dilyn eu rhan mewn ymgynghoriadau a gweithgaredd o unrhyw fath, gan amlinellu sut yr ystyriwyd eu barn.
• Darparu llinellau cyfathrebu clir i randdeiliaid ymgysylltu’n effeithiol â’r Academi Genedlaethol ar gyfer Arweinyddiaeth Addysgol
• Gwerthuso effeithiolrwydd mecanweithiau ar gyfer ymgysylltu â rhanddeiliaid yn barhaus.

Mae’r Academi Genedlaethol ar gyfer Arweinyddiaeth Addysgol yn defnyddio amrywiaeth o ddulliau i ymgysylltu â rhanddeiliaid o bob rhan o’r sector gan gynnwys:

• Grŵp Cyfeirio Rhanddeiliaid
• Cymdeithion
• Cytundebau Partneriaeth
• Grwpiau Ffocws
• Arolwg Arweinyddiaeth Genedlaethol
• Aelodaeth o Grwpiau Rhanddeiliaid Allanol
• Mynychu Cynadleddau Allweddol gan gynnwys Prif Areithiau
• Cyfryngau cymdeithasol
• Gwefan
• E-gylchlythyrau
• Gwobr nawdd
• Secondiadau
• Digwyddiadau

Byddem wrth ein bodd yn clywed gennych! Cysylltwch i ddarganfod mwy am yr Academi Genedlaethol ar gyfer Arweinyddiaeth Addysgol – ein gwaith, ein digwyddiadau, i drafod eich syniadau (waeth pa mor fawr neu fach), neu i ddarganfod sut y gallwn eich helpu a’ch cefnogi trwy post@agaa.cymru.

Grŵp cyfeirio rhanddeiliaid

“Pleser ac anrhydedd o’r mwyaf yw bod yn Gadeirydd Grŵp Cyfeirio Rhanddeiliaid yr Academi Genedlaethol ar gyfer Arweinyddiaeth Addysgol. Mae’r grŵp yn rhan allweddol o waith yr Academi Genedlaethol ar gyfer Arweinyddiaeth Addysgol ac yn cyfarfod bob hanner tymor i drafod gweithgareddau ymgysylltu, ymateb i ymgynghoriadau ac i rannu barn ac argymhellion i’r tîm. Ceir cynrychiolaeth eang o amrywiaeth o sectorau o fewn y grŵp a gallwch ymgyfarwyddo â nhw drwy eu ffotograffau a’u bywgraffiadau, cliciwch isod i ddysgu mwy. Mae hyn yn sicrhau fod llais pob sector yn cael ei glywed a’i ystyried o fewn gwaith y grŵp a’r Academi Genedlaethol ar gyfer Arweinyddiaeth Addysgol. 

Mae ymgysylltu â rhanddeiliaid yn hanfodol i waith yr Academi Genedlaethol ar gyfer Arweinyddiaeth Addysgol i sicrhau bod llais yr arweinyddiaeth yn cael ei glywed drwyddi draw. Os hoffech ddysgu mwy am waith y grŵp cyfeirio rhanddeiliaid neu gymryd rhan, cysylltwch ag aelod o’r tîm ar post@agaa.cymru.” 

Gareth Evans yw Cadeirydd Grŵp Cyfeirio Rhanddeiliaid yr Academi Genedlaethol ar gyfer Arweinyddiaeth Addysgol Cymru a Phennaeth Dros-Dro Ysgol Bro Teifi. 

Ffotograffiaeth: Polly Thomas