Ysgol Gyfun Dŵr-y-Felin
Wedi’i gryfhau gan gydweithio proffesiynol
Gwybodaeth am yr ysgol
Ysgol gyfun gymysg, cyfrwng Saesneg, i ddisgyblion 11-16 oed yng Nghastell-nedd Port Talbot yw Ysgol Gyfun Dŵr-y-Felin. Mae ganddi 1,131 o ddisgyblion ar y gofrestr. Daw’r disgyblion o ardal sy’n cynnwys Castell-nedd a’r cyffiniau.
Dull a ddilynwyd
Roedd arweinwyr angen creu’r amodau i gydweithwyr weithio gyda’i gilydd a rhannu syniadau’n agored. Fe wnaeth holl aelodau’r staff gymryd rhan mewn Cymuned Dysgu Proffesiynol (PLC) i ganolbwyntio ar ddysgu o bell anghydamserol yn ystod tymor yr haf. Y nod oedd cynyddu hyder a dealltwriaeth staff i ddarparu’r dysgu gorau o bell i ddisgyblion.
Rhwng mis Ebrill a mis Gorffennaf 2020 gwahoddwyd holl aelodau’r staff i fod yn rhan o Gymuned Dysgu Proffesiynol o bell (PLC). Hefyd, penderfynwyd mai’r model ymchwil weithredu, gan ddefnyddio’r profiadau a ddysgwyd drwy’r Prosiect Ymholi Proffesiynol Cenedlaethol (NPEP), oedd y dull gorau. Fe wnaeth holl aelodau’r staff gymryd rhan mewn arolwg cychwynnol i nodi lefel dealltwriaeth broffesiynol o ddysgu o bell. Hefyd, cynhaliwyd cyfweliadau un i un gyda Phenaethiaid Adran gan aelod o’r Uwch Dîm Arwain (SLT) a’r Arweinydd Ymholi i nodi prif bethau i’r Cymunedau Dysgu Proffesiynol ganolbwyntio arnynt. Nodwyd naw maes ffocws i gyd (rhestrir isod). Cyflwynwyd y canfyddiadau i aelodau’r Gymuned Dysgu Proffesiynol a gwahoddwyd yr holl staff i ddewis is-grŵp ffocws i ymuno ag ef.
Ffocws 1 – Map Gwers Dysgu o Bell
- Beth sy’n gwneud gwers dysgu o bell ragorol?
Cydweithio i ddatblygu map gwers o bell manwl gan ddefnyddio’r templed 12 cam a ddarparwyd.
Ffocws 2 – Arloesi gydag Adnoddau
- Pennu arferion ar gyfer dysgu
- Ysgogi dysgu blaenorol
- Gweithgareddau bachyn
- Cymhwyso cyfarwyddyd
- Modelau a sgaffaldiau
- Cyflwyno cysyniadau newydd
Cydweithio â’ch grŵp i gyd-lunio adnoddau arloesol creadigol sy’n cefnogi addysgu a dysgu rhagorol mewn amgylchedd dysgu o bell. Bydd hyn yn rhan o’r pecyn adnoddau dysgu o bell.
Ffocws 3 – Pecyn Cymorth
- Fideo/Sain – Canllawiau
- Gwŷdd/Delweddwyr
Cydweithio â’ch grŵp i gyd-lunio canllaw ar sut i greu adnodd clyweledol effeithiol ar gyfer disgyblion. Bydd hyn yn rhan o’r pecyn adnoddau dysgu o bell.
Ffocws 4 – Pecyn Cymorth
- Microsoft Stream
- Flipgrid
Cydweithio â’ch grŵp i gyd-lunio canllaw ar sut i ddefnyddio Microsoft Teams i gynnal fideos (wedi’u recordio a darllediadau byw) Bydd hyn yn rhan o’r pecyn adnoddau dysgu o bell.
Ffocws 5 – Pecyn Cymorth
- Dylunio PowerPoint effeithiol ar gyfer dysgu o bell
- Integreiddio canllawiau fideo/sain
- OneNote
Cydweithio â’ch grŵp i gyd-lunio canllaw ar sut i greu cyflwyniadau PowerPoint arloesol sy’n gweddu i anghenion dysgwyr mewn amgylchedd dysgu o bell. Bydd hyn yn rhan o’r pecyn adnoddau dysgu o bell.
Ffocws 6 – Arloesi gydag Adnoddau
- Annibyniaeth
- Trefn
- Ymarfer disgyblion
Cydweithio â’ch grŵp i gyd-lunio canllaw ac adnodd, y gall athrawon eu defnyddio i helpu disgyblion i adolygu a datblygu gwaith mewn amgylchedd dysgu o bell. Bydd hyn yn rhan o’r pecyn adnoddau dysgu o bell.
Ffocws 7 – Adolygu Dealltwriaeth
- Creu cyfleoedd ar gyfer Asesu ar gyfer Dysgu mewn aseiniadau
Cydweithio â’ch grŵp i gyd-lunio canllaw ar sut i greu Microsoft Form er mwyn monitro cynnydd disgyblion a rhoi adborth. Bydd hyn yn rhan o’r pecyn adnoddau dysgu o bell.
Ffocws 8 – Llais Disgyblion
- Casglu gwybodaeth am ddarpariaeth dysgu o bell o safbwynt disgyblion a myfyrio ar hynny
Cydweithio â’ch grŵp i gyd-lunio a gwerthuso’r ddarpariaeth dysgu o bell o safbwynt disgybl a chreu canllawiau i ddisgyblion ar ddefnyddio’r ddarpariaeth honno.
Ffocws 9 – Diogelu mewn amgylchedd dysgu o bell
- Canllaw Ffeithluniau
Y Gymuned Dysgu Proffesiynol a’r Uwch Dîm Arwain i gydweithio ar greu canllawiau cyfeirio/ffeithluniau hawdd ei ddefnyddio i staff ar ddiogelu mewn amgylchedd dysgu o bell.
Fe wnaeth pob cyfranogwr wneud gwaith darllen ehangach yn eu maes ffocws, mynychu cyfarfodydd cynnydd o fewn eu his-gymuned dysgu proffesiynol a dechrau datblygu adnoddau. Hanner ffordd drwy’r broses, cynhaliwyd arolwg staff pellach i asesu’r lefel bresennol o effaith ar ddealltwriaeth a chydweithrediad proffesiynol. Tua’r diwedd rhannwyd y canfyddiadau, y wybodaeth a’r adnoddau drwy gyfres o bum gweithdy dysgu proffesiynol rhithwir dan arweiniad arweinwyr yr is-gymunedau dysgu proffesiynol. Cam ola’r broses oedd cipio data wedi’r broses, HMS Dysgu Cyfunol ym mis Gorffennaf a lansio gwefan Dysgu Cyfunol ac Ymholi Proffesiynol Dŵr-y-Felin.
Effaith lansio’r gymuned dysgu proffesiynol o bell oedd bod 39 aelod o staff ar draws pob lefel o brofiad proffesiynol wedi cofrestru gyda’r gymuned dysgu proffesiynol, a chynhaliwyd y nifer hwn drwyddi draw. Roedd hyn yn golygu o leiaf 16 awr o ddysgu proffesiynol strwythuredig a chydweithio. Effaith y dysgu proffesiynol oedd:
- Ar ôl yr ymyriad, roedd 96% o’r staff yn teimlo eu bod yn hyderus i weithredu amgylchedd dysgu o bell ar gyfer eu disgyblion, sef cynnydd o 53% o’r arolwg cychwynnol.
- Ar ôl yr ymyriad, roedd 97% o’r staff a gymerodd ran yn teimlo bod y gymuned dysgu proffesiynol o bell wedi cael effaith gymedrol neu uchel ar eu datblygiad proffesiynol dysgu o bell.
- Ar ôl yr ymyriad, roedd gan 95.3% o staff ddealltwriaeth gymwys neu gymhleth o Microsoft Teams o’i gymharu â 23.8% cyn yr ymyriad.
- Fe wnaeth dealltwriaeth staff o’r adnoddau a’r cymorth sydd ar gael i ddarparu dysgu o bell gynyddu’n aruthrol yn ystod cyfnod yr ymyriad.